"Türkmen Syýahat Hyzmat"

hojalyk jemgyýeti

Biz barada

“Türkmen syýahat hyzmat” hojalyk jemgyýeti myhmanhanalary dolandyryş pudagynda iş alyp barýar. Biz çeýeligimiz we innowasion çemeleşmelerimiz arkaly syýahatçylyk bazarynda öňdebaryjy orny eýeleýäris. Häzirki wagtda kompaniýamyz paýtagt Aşgabatda ýerleşýän “Syýahatçy” myhmanhanasyny dolandyryş, onuň içki we daşky durkuny abatlaýyş we daş-töweregini abadanlaşdyryş işlerini alyp barýar.

Biziň aýratynlyklarymyz

Biziň esasy ýörelgämiz – müşderilere göwnejaý hyzmat etmekden we olaryň isleglerini doly kanagatlandyrmakdan ybaratdyr. “Türkmen syýahat hyzmat” gyzyklanýan taraplara myhmanhana dolandyryş hyzmatlarynyň doly toplumyny hödürleýär. Biz myhmanlara hyzmat etmekde we uzakmöhletleýin gatnaşyklary ýola goýmakda ýokary derejä ýetmäge çalyşýarys. Şeýle hem hyzmatdaş kompaniýalarymyzyň talaplaryny ýokary derejede kanagatlandyrmak we desgalaryň umumy öndürijiligini ýokarlandyrmak üçin amaly hyzmatlaryň, döwrebap usullaryň we sanly ulgamlaryň giň toplumyny hödürleýäris.

Arassaçylyk

Biz ähli desgalaryň arassa bolmagyny we myhmanlaryň, işgärleriň we hyzmatdaş kompaniýalaryň dürli zerurlyklaryna tiz uýgunlaşmaga taýýardygymyzy kepillendirýäris.

Maliýe

Hasapçylarymyz, hukukçylarymyz we marketologlarymyz bize tabşyrylan myhmanhananyň ähli maliýe taraplaryny we iş öndürijiligini içgin seljerýär.

Iýmit

“Türkmen syýahat hyzmat” naharlanyş hyzmatlaryna hemişe uly üns berýär. Bu bolsa kompaniýamyzyň özboluşly aýratynlygy bolup durýar.

IT hyzmaty

Kompaniýamyzyň IT topary desganyň degişli programmalar we tehnologiýa enjamlary bilen üpjünçiligini ýokary derejede alyp barýar.

Galereýa

Myhmanhanalar biziň işewürlik ugrumyz bolup, ýokary hil, göwnejaý hyzmat we amatly baha şertleri biziň bu pudakdaky aýratynlygymyzy görkezýär.